मुंबई: गेल्या तीन वर्षांपासून अतिवृष्टी अनुदानाची प्रतीक्षा करणाऱ्या शेतकऱ्यांसाठी एक दिलासादायक बातमी आहे. 2020, 2021 आणि 2022 मध्ये अतिवृष्टीमुळे नुकसान झालेल्या शेतकऱ्यांना मदत करण्यासाठी राज्य सरकारने 106 कोटी रुपयांचा निधी मंजूर केला आहे.
या निधीमध्ये रायगड, सिंधुदुर्ग, ठाणे, रत्नागिरी, नागपूर, वर्धा, अमरावती, गडचिरोली, चंद्रपूर, जळगाव, नाशिक, अहमदनगर, धुळे, नंदुरबार, छत्रपती संभाजीनगर, जालना, परभणी, हिंगोली, नांदेड, बीड, लातूर, धाराशिव, अमरावती आणि पुणे जिल्ह्यांचा समावेश आहे.
या निधीमुळे 2019 ते 2022 या काळात अतिवृष्टी, पूर, दुष्काळ आणि गारपीट यांसारख्या नैसर्गिक आपत्तीमुळे नुकसान झालेल्या शेतकऱ्यांना मदत मिळेल.
थकीत अतिवृष्टी अनुदान मंजूर जिल्हानिहाय निधी वाटप:
- रायगड, सिंधुदुर्ग, ठाणे आणि रत्नागिरी: 2 कोटी 52 लाख 32 हजार रुपये
- नागपूर, वर्धा, अमरावती, गडचिरोली आणि चंद्रपूर: 30 कोटी 49 लाख रुपये
- जळगाव, नाशिक, अहमदनगर, धुळे आणि नंदुरबार: 52 कोटी 36 लाख रुपये
- छत्रपती संभाजीनगर, जालना, परभणी, हिंगोली, नांदेड, बीड, लातूर आणि धाराशिव: 10 कोटी 98 लाख रुपये
- अमरावती: 2 लाख 85 हजार रुपये
- पुणे: 18 लाख 90 हजार रुपये
एकूण निधी: 106 कोटी रुपये