Cotton rate पावसाच्या अभावामुळे आणि गुलाबी बोंड आळीच्या प्रादुर्भावामुळे भारतातील कापूस उत्पादनात 2023-24 मध्ये आठ टक्क्यांनी घट होईल, असा अंदाज भारतीय कापूस संघटनेने व्यक्त केला आहे. यामुळे देशात 24.8 लाख गाठी कमी कापूस उत्पादन होईल.
भारतीय कापूस संघटनेच्या अहवालानुसार, यंदा देशातील कापूस उत्पादन 295 लाख गाठींवर पोहोचण्याची शक्यता आहे. हे 2022-23 च्या 320 लाख गाठींच्या तुलनेत 8 टक्क्यांनी कमी आहे.
कापूस उत्पादनात घट होण्याची प्रमुख कारणे म्हणजे पावसाचा अभाव आणि गुलाबी बोंड आळीचा प्रादुर्भाव. ऑगस्ट महिन्यापासून पावसाने देशातील दक्षिण आणि मध्य भागात तब्बल 45 दिवसाहून अधिक पावसाचा खंड नोंदला गेला. यामुळे दक्षिण व मध्य भागातील कापूस उत्पादनावर हा परिणाम झाला आहे.
याव्यतिरिक्त, उत्तरेकडील भागात गुलाबी बोंड आळीचा प्रादुर्भाव वाढला आहे. यामुळे कापसाच्या उत्पादनात घट होते.